Dipos de anos ta adia o inevitável, ndecidi na embarca na aventura djuntu ku nha mano Djon (obrigado Djon pa insisti ku mi) e crew de PopcornTour. Di kez midjor decisão d nha vida. Tirando kel parte d tem k labanta 5h madrugada, é tem sido foi um experiência diferente a cada 2-3 semanas. Caminhadas, acampamentos, novas amizades, desafios, etc....
Tudo começa ku um caminhada ti Cidade Velha (~12km 💪). Sendo novato , nta atxaba stranhu kel amizade e brincaderas ki nta odjaba pessoal na el. Chegando na Cidade Velha nu passia na Forte (ya, pela cécima centésima vez nbai la 😤). Mas dipos tb ncompensal ku uma café k ka sa podia nem andaba dipos.
Pa digestão nu tive um sessão de primeiros socorros undi kin discubri ma ami é capaz d carrega alguém de 200kg sem problema 😁. Kel sessão la até pon ta pensa, inocentemente, "É pah, pessoal li sim senhor, só pessoas sérias, interessante" (2hora dipos nha teoria ta caiba um bocadinho hahahaha)
Pa resto de dia foi relaxa na mar, almoça e passa tempo ta relaxa na esplanada. Podi ka ter tido muita emoção, mas pa alguém k staba num situação nada agradável, foi algo k realmente nsa mesteba, paz e trankilidade.
Desde então, nunca mas nka larga Tour!
